جدہ میں اعلیٰ سطحی سفارتی سرگرمی کے دوران محمد بن سلمان بن عبدالعزیز آل سعود سے اٹلی کی وزیراعظم جورجیا میلونی نے جمعے کی شب ملاقات کی، جس میں دوطرفہ تعلقات اور باہمی تعاون کے فروغ پر تبادلہ خیال کیا گیا۔
سعودی پریس ایجنسی (SPA) کے مطابق اطالوی وزیراعظم کی جدہ آمد پر ان کا پرتپاک استقبال کیا گیا۔ اس موقع پر شہزادہ سعود بن مشعل بن عبدالعزیز آل سعود، جو مکہ ریجن کے نائب گورنر ہیں، نے ایئرپورٹ پر ان کا خیرمقدم کیا۔
استقبالیہ تقریب میں جدہ کے میئر صالح الترکی، ادارہ امن عامہ کے ڈائریکٹر جنرل میجر جنرل صالح الجابری اور سعودی عرب میں اٹلی کے سفیر کارلو بلدوچی بھی موجود تھے۔
ملاقات کے دوران توقع ہے کہ دونوں رہنما اقتصادی، تجارتی اور اسٹریٹجک تعاون سمیت مختلف شعبوں میں تعلقات کو مزید مضبوط بنانے پر بات چیت کریں گے، جبکہ خطے کی بدلتی ہوئی صورتحال پر بھی تبادلہ خیال کیا گیا۔
یہ ملاقات ایسے وقت میں ہوئی ہے جب مشرقِ وسطیٰ میں جاری کشیدگی کے باعث عالمی سطح پر سفارتی روابط میں تیزی دیکھی جا رہی ہے، اور بڑی عالمی طاقتیں خطے میں استحکام کے لیے متحرک ہیں۔