کراچی: پاکستان میں سونے کی قیمتوں میں ہوشربا اضافے کے بعد کمی کا سلسلہ جاری ہے، جس سے سرمایہ کاروں اور صارفین دونوں کے لیے مارکیٹ میں بڑی تبدیلی آئی ہے۔
آل پاکستان جیمز اینڈ جیولر ایسوسی ایشن کے مطابق ملک بھر میں فی تولہ سونے کی قیمت 25,500 روپے کم ہو کر 511,862 روپے تک پہنچ گئی ہے، جبکہ 10 گرام سونے کی قیمت 21,862 روپے کم ہو کر 438,839 روپے ہو گئی ہے۔
عالمی مارکیٹ میں بھی سونے کی قیمت میں کمی دیکھی گئی، جہاں فی اونس سونے کی قیمت 255 ڈالر کم ہو کر 4,895 ڈالر ہو گئی ہے۔ ملک میں گزشتہ روز بھی سونے کی قیمت میں فی تولہ 35,500 روپے کی کمی ریکارڈ کی گئی تھی، جس کے بعد دو روز کے دوران سونے کی مجموعی قیمت میں 61,000 روپے فی تولہ کمی واقع ہوئی ہے۔
ماہرین کے مطابق یہ کمی بین الاقوامی سونے کی قیمتوں میں اتار چڑھاؤ اور ملکی مارکیٹ میں ڈیمانڈ میں کمی کی وجہ سے ہے، اور سرمایہ کاروں کو سونے کی خریداری یا فروخت میں محتاط رہنے کی ہدایت دی جا رہی ہے۔