سعودی عرب کی وزارت حج و عمرہ نے "نسک عمرہ” سروس کا آغاز کر دیا ہے جو عالمی سطح پر عمرہ زائرین کو بغیر کسی واسطے کے براہ راست عمرہ ویزا حاصل کرنے اور مکمل سفر کی خدمات بک کرنے کا موقع فراہم کرتا ہے۔ یہ سروس وزارت حج و عمرہ کی جانب سے ایک انقلابی قدم ہے جس کا مقصد سعودی ویژن 2030 کے تحت دنیا بھر کے مسلمانوں کو بہترین سہولت فراہم کرنا ہے۔
نسک عمرہ سروس کے ذریعے عمرہ کے خواہشمند دنیا بھر سے بغیر کسی ایجنٹ کے براہ راست درخواست دے سکتے ہیں، اور اپنے سفر کے تمام پہلوؤں جیسے ویزا، رہائش، ٹرانسپورٹ اور معاون خدمات کو آسانی سے اپنی ضروریات کے مطابق ترتیب دے سکتے ہیں۔
وزارت حج و عمرہ کی "نسک عمرہ” سروس سعودی ویژن 2030 کے تحت ایک اہم قدم ہے جو عمرہ زائرین کو بہترین خدمات فراہم کرنے کی کوششوں کا حصہ ہے اور سعودی عرب کی عالمی سطح پر مقبولیت کو مزید بڑھائے گا۔
یہ سروس جدید انٹرفیس کے ذریعے سات مختلف زبانوں میں دستیاب ہے، جو زائرین کو اپنی خواہشات اور ضروریات کے مطابق پیکیج بنانے کی سہولت دیتی ہے، ساتھ ہی اس میں متعدد ادائیگی کے اختیارات بھی موجود ہیں۔
نسک عمرہ” سروس کے ذریعے دنیا بھر کے عمرہ زائرین کو ایک ہموار اور مکمل ڈیجیٹل تجربہ حاصل ہوگا، جس سے انہیں ویزا، ٹرانسپورٹ اور رہائش کی بکنگ میں سہولت ملے گی۔
یہ نئی سروس سعودی عرب کی جانب سے عالمی سطح پر عمرہ زائرین کو جدید ترین سہولت فراہم کرنے کی ایک مثال ہے، جس کا مقصد سعودی عرب کو دنیا بھر کے مسلمانوں کے لیے ایک اولین مقدس مقام کے طور پر مستحکم کرنا ہے۔